Det er no nær 30 år sidan utsortering av matavfall vart innført i eigarkommunane til BIR Voss Hardanger. Voss, Eidfjord og Ulvik var mellom dei fyrste i Noreg til å starta kjeldesortering av matavfall. I all denne tida har matavfallet vorte sendt til behandling andre stadar i landet.
Det matavfallet du denne veka kastar i behaldaren vert det fyrste som får si behandling her på Bjørkemoen! Hjelp oss med å gje anlegget dei beste råvarene, bruk papirposen til oppsamling i kjøkkenbenken og gjer ein ekstra sjekk at det berre er matavfall i behaldaren. Sjekk denne videoen for tips om korleis bruka papirposen.
Hugs at papirposar får du gratis hjå dei aller fleste daglegvarebutikkar i vårt område, eller ved å henta ut på gjenvinningsstasjonen.
