Me tek neste steg. Dunkane er merkte og bilane og sjåførane er klare. Etter over 20 år med dei same rutene, digitaliserer me no tømmerutene. Dette gjer me for å få betre ruter, meir effektiv drift og eit mindre miljøavtrykk.
Me byrjar med glas- og metallrutene. Dette skjer frå veke 16. Frå og med 13 april kan du ikkje bruke tømmedagar for glas-og metallruter i tømmekalenderen.
For dei fleste vil omlegging av glas- og metallrutene innebera ei omlegging i starten, og i ein overgangsperiode kan det kjennast uvant før dei nye rutinane set seg. Difor startar me i det små - og den fyrste ruta som vert endra, er for glas- og metall.
→ Det vil framleis vera 8 veker mellom tømmingane. I ein overgangsfase vil nokon få kortare tømmeintervall.
→ Endringa inneber at tømmedagane i papirutgåva av tømmekalenderen ikkje lenger vil vera oppdatert for glas-og metallinnsamling frå veke 16.
→ Alle får SMS-varsel før tømmedagen. Varsel sendast til heimelshavar og til personar med registrert bustadadresse på den aktuelle eigedomen.
→ Til deg som set fram dunken for glas- og metallemballajse: Du treng ikkje lenger halde oversikt over tømmedagar - du vil få påminning via SMS (dette som ei ordning fram til ny utgåve av tømmeapp)
→ Har du lasta ned BIR Voss Hardanger sin tømmeapp, vil du frå midten av april berre få varsel for restavfall, matavfall, papir, papp og plast i BIRVH-appen. For glas-og metallemballasje vildu få eigne SMS- varsel frå BIR Voss Hardanger.
Når ordninga for glas- og metallinnsamlinga er godt innarbeidd, vil me gå vidare til neste steg og inkludere dei andre avfallstypane. Då vil det og kome ein ny tømmeapp som støttar alle fraksjonane i ein og same app.
Skulle noko vera uklart kan du kontakte oss på tlf 56 52 99 00.
