Bruk dette skjemaet for å knyta ein avfallsdunk til rett adresse når du har fått ein meldingslapp på dunken.
Fyll ut skjemaet nedanfor. La dunken stå lett tilgjengeleg med lappen på. Me festar vanlegvis på ny brikke innan to veker. Er det tømmedag før brikka er på plass, set du ut dunken som vanleg. Me fjernar lappen når brikka er festa.
Kommunalt gebyr for etterdrift av deponi, Bjørkemoen
Frå 01.01.2025 vil det kome eit eige påslag på faktura for renovasjon «kommunalt påslag etterdrift deponi» med kr 156,25 inkl mva pr bueining pr år. Avgifta gjeld for dei som er omfatta av den lovpålagte avfallshandteringa for hushaldningsavfall jmf Forureingslova §34. Dette omfattar privathushald og hytter/fritidsbustader.
IHM fekk i 1995 løyve til å drifta deponi på Bjørkemoen, i hovudsak tiltenkt deponering av hushaldsavfall som vart lagt på deponi frå våre eigarkommunar fram til 2009. Deponiet er no stengt. BIRVH arbeider med plan for avslutning og etterdrift av deponiet, og skal ha etterdrift av anlegget jf. Forureiningslova §20. Ved etterdrift skal ein ha kontroll på utsleppa frå deponiet i minimum 30 år etter deponiet er avslutta. Ein skal ha kontorll på sigevatn, overvatn, grunnvatn, resipient og gassutslepp. Statsforvaltaren er tilsynsstyremakt for alle ordinære og inerte deponi.
I aksjekjøpsavtalen mellom BIR og dei tidlegare eigarkommunar i Indre Hordaland Miljøverk IKS (IHM), no BIR Voss Hardanger (BIRVH), er det lagt til grunn at det øknomiske ansvaret for denne forpliktinga ligg hjå eigarkommunane, utover avsatte fondsmidlar i BIRVH. I praksis inneber dette at innbyggjarane vil dekkja desse kostnadane gjennom påslag på renovasjonsgebyret, på lik linje med andre deltakarkommunar i BIR- samarbeidet.
Sjølve renovasjonsgebyret for hushald og fritidsbustader skal dekke kostnader med renovasjonsordninga for hushaldsavfall, t.d innsamling, transport og handsaming av avfallet. Det skal og dekke investeringar i m.a gjenvinningsstasjonar/avallsmottak, utstyr og naudsynte miljøtiltak.
Det finnes ingen gode nok teknologiske løysningar til å få på plass ei bærekraftig resirkulering av klesavfall i stor skala. Målet bør derfor vera at mest mulig tekstil går til gjenbruk framføre materialgjenvinning, men det aller viktigaste er å redusere forbruket. Å kjøpe færre tekstil har ein langt større positiv miljøeffekt enn både gjenbruk og materialgjevninning, då det reduserer ressursbruk og miljøbelastning aller mest.
Kva med øydelagte sko – kan dei leverast i den nye innsamlinga?
Nei, øydelagte sko skal kastast som restavfall.
Kan eg fortsatt kaste sokkar med hol i restavfallet heime?
Det er ikkje ulovleg å kaste tekstilavfall i restavfall, men det er sjølvsagt eit ynskje om at hushaldningene tar i bruk etablerte løysninger. Det er opp til hushaldningane kor mykje dei ynskjer å sortere, men me anbefalar å sortere mest mogleg for å redusere restavfallsmengda og auke materialgjenvinninga.
Kva er hensikta med den nye tekstilordningen?
Målet er å auke gjenvinninga av tekstil, i tråd med EU sine krav, for å spare ressursar og redusere miljøbelastninga.
Er alt tekstilavfall lett å gjenvinne?
Nei, enkelte materiale er vanskeleg å resirkulere på grunn av stoffet sin kvalitet eller samansetning. Likevel bidreg systematisk innsamling til at tekstila kan vurderast og brukast på best mogleg måte.
Koster det noko å levere tekstilavfall?
Ja, øydelagte tekstil skal leverast på lik linje med anna avfall til dei fastsatte prisane på gjenvinningsstasjonane.
Hugs å sortere dei øydelagte tekstila for seg når du leverer. Ta gjerne kontakt med kundeveiledar på gjenvinningsstasjonen for veiledning om rett levering.
Bli med i trekninga av 50 000 kroner 🎉
Alt du treng å gjere er å sende eit bilde av ditt system for kjeldesortering av glas- og metallemballasje. Bli med i konkurransen her: sortere.no/gjenvinn-og-vinn
♻️Konkurransen vert arrangert av Sortere i samarbeid med Sirkel og Norsk Metallgjenvinning.
Denne konkurransen er på ingen måte sponsa, støtta, administrert eller assosiert med Facebook/Instagram.
2.
Vis fram ditt system for glas- og metallemballasje heime, og bli med i trekninga av 50 000 kroner 🎉
💡Har du eit enkelt og praktisk system, eller ei kreativ løysing? Det viktigaste er at det fungerer og gjer kjeldesorteringa så lett som mogleg hos deg.
🏆 Gjenvinn og vinn!
Gå inn på sortere.no/gjenvinn-og-vinn og send inn bilde av ditt kjeldesorteringssystem.
Det blir trekt ein vinnar i kvart fylke (10 000 kr) og ein nasjonal vinnar (50 000 kr). Fristen for å delta er 16. februar 2025.
Lykke til!
♻️Konkurransen vert arrangert av Sortere i samarbeid med Sirkel og Norsk Metallgjenvinning.
Denne konkurransen er på ingen måte sponsa, støtta, administrert eller assosiert med Facebook/Instagram.
Ny utgåve av Miljøbladet er sendt ut i posten i kommunane våre. Dersom du ikkje har sett det kan du lesa her (PDF-fil):
I år har det kome fleire endringar i renovasjonsordninga som gjeld tidspunkt, laus papp, hageavfall og tekstilar. I tillegg kjem nytt gebyr for etterdrift av deponi, og endringar i satsar for hytterenovasjon. Her får du oversikta over det viktigaste du må vita.
