Dei er overalt. Men legg du merke til dei?

Før du har gått heimanfrå om morgonen, har du allereie sett dei fleire gongar. Når du set på kaffien, heller mjølk i glaset, smørjer brødskiva og når du kastar søppelposen i dunken på veg til skule eller jobb.

 Kasteaugeblikket; dei sekunda der du tek valet om du skal sortere - eller ikkje. Eit augeblikk vi alle har stått i, der det er lett å bli usikker på korleis ein kjeldesorterar noko. Då kan du sjå etter Sorteringsmerka - dei finst (nesten) overalt. På potetgullposen, syltetøyglaset og mjølkekartongen finn du merket som gjev deg hjelpa du treng, ofte saman med ein kort hjelpetekst, slik at det blir lett å sortere i riktig dunk.

Legg merke til merka

Plastemballasje er lilla, glasemballasje lysegrønt, metallemballasje grått og papir er blått. Kvart materiale har sin eigen farge, noko som gjer dei lette å lese og kjenne att, samstundes som det vert enkelt å sjå kva som skal kor. Dei same merka som du finn på emballasjen, finn du òg på søppeldunkar heime, på skulen og på arbeidsplassar over heile landet.

Sorteringsmerka er laga for å gjere kjeldesortering enklare for alle. Når du får same merke på det du sorterer og der du kastar, veit du alltid kor du skal sorterer kva. Når du er i tvil, kan du alltid søkje og få svaret på Sortere.no

Lett å bli litt betre til å kjeldesortere

Sorteringsmerka gjer det enklare å sortere riktig. Finn Sorteringsmerket på emballasjen, og du har svaret i handa allereie. Besøk sortere.no om det er noko meir du lurer på. Her kan du søkje etter det du lurer på og få raskt svar på spørsmål som kor rein emballasjen skal vere, eller kva du gjer med blandingsemballasje.

Her finn du informasjon om faktura for renovasjon.  Renovasjonsgebyret som hushald og hytter betalar, gjeld innsamling, transport, mottak, sortering, oppbevaring, behandling, etterkontroll, samt avsetjing til etterdrift deponi. Kommunen/heradet vedtek betalingsregulativ for gebyr og fastsett gebyr. I kommunen/heradet  er det lovpålagt innsamling av hushaldsavfall, jfr. Forureiningslova §30.

Eit sikkert vårteikn er at det dukkar opp bos i takt med at snøen smeltar.
I Noreg deltek tusenvis av eldsjeler i arbeidet mot forsøpling gjennom lokale, regionale og nasjonale ryddedugnadar. I tillegg er det blitt fleire som frivillig har eigne ryddedugnadar. Dette gjer ein saman med familie, kollegaer, naboar eller andre som vil bidra. Det går fint å rydda aleine.

Ynskjer du å plukka bos i naturen gjer du fylgjande:

Opprett ryddedugnad https://ryddenorge.no/registre
Du kan kan hente ut gratis ryddeutstyr (sekkar og hanskar) eller avtale med BIR Voss Hardanger for levering av utstyr.
Organiser transport av avfallet dersom nødvendig.
For meir informasjon ta kontakt med BIR Voss Hardanger på tlf. 56 52 99 00 eller send ein e-post til BIR Voss Hardanger sin kontakperson for ryddeaksjon: Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

Tusen takk til deg som ryddar!

Frå 01.06.2023 vart IHM ein del av BIR AS. IHM blei eit dotterselskap til BIR AS og endra namn til BIR Voss Hardanger. 

BIR AS er eit av Noregs største renovasjonsselskap, og er ansvarleg for avfallshandtering til over 365 200 innbyggjarar i sju eigarkommunar. Selskapet tilbyr òg avfallsløysingar for næringslivet. 

BIR AS er eigd av kommunane Askøy, Bergen, Bjørnafjorden, Kvam, Osterøy, Øygarden, Samnanger og Vaksdal. Alle eigarkommunane med unntak av Øygarden, har tildelt BIR ansvaret med dei lovpålagde oppgåvene knytt til handtering av avfall frå hushaldningsabonnentane som bur i kommunane. Frå 01.06.2023 er Eidfjord, Ulvik og Voss medeigarar av BIR AS.