Dersom du leverer avfall i sekk til gjenvinningsstasjon, må sekken vera gjennomstiktig. Dette er for at det skal vera mogleg å kontrollera leveransen utan å sprette opp sekken. 

Nye nasjonale avfallssymbol er snart i bruk i BIR Voss Hardanger sitt område.

Den nye ordninga skal gjera det lettare for innbyggarane. Ein vil møte like avfallssymbol på jobben, gjenvinningstasjonen, om ein er på hytte i annan kommune og ellers på produkta ein kjøper i butikken. Det skal vera enkelt og intuitivt å handle miljøvennleg i kvardagen. Ei felles merkeordning for avfall i Norge er etterlengta og eit godt steg i riktig retning for å gjera det enklare for forbrukarane å kildesortera rett.

BIR Voss Hardanger tilrår bruk av papirposar til matavfall. Papirposar er nedbrytbare i biorest og er ikkje laga av mat (t.d. mais, som er menneskeføde), og inneheld ikkje plast (som vert brote ned til mikroplast). 

Du finn papirposar her: 

• i dei fleste matvarebutikkane i området

• på gjenvinningsstasjonen

Ta med deg ein bunt med papirposar neste gong du er i matvarebutikken eller på gjenvinningsstasjonen.

(26 posar i ein bunt. Tilsvarer ca 4–5 buntar per hushaldning per år)

For hushaldningane vert betalingsgrunnlag ved levering til gjenvinningsstasjon lagt om frå vekt til volum frå 01.01.2020. 

Prisane gjeld levering av avfall til BIR Voss Hardanger sine gjenvinningsstasjonar frå 1. 1. 2020.

På gjenvinningsstasjonane er det berre høve til å levere mindre mengder. Ved større mengder, kontakt BIR Voss Hardanger for leige av kontainer e.l Alle prisar pr. m³, inkl. mva (25%).

For verksemder vil betalingsgrunnlag på gjenvinningsstasjonane vera volum men ved levering på Bjørkemoen vil vekt verte brukt likt som før.