BIR Voss Hardanger vil på nyåret starta med å merka alle dunkane for hushald (restavfall, matavfall, papir/papp og glas/metall). Merkinga gjev oss eit felles system for registrering av tømming, og grunnlag for å utnytta rutene betre. Merking av dunkar med RFID-brikker er fyrste steg mot betre tenester.
Featured
Avfallsselskapa har i dag mange krav å etterleva, både nasjonale og frå EU. I åra som kjem vil det bli strengare krav til sortering av avfall i heimane våre. For å møte desse krava vil BIR Voss Hardanger på nyåret starta med å merka alle dunkane for hushald (restavfall, matavfall, papir/papp og glas/metall). Merkinga gjer oss eit felles system for registrering av tømming, og grunnlag for å utnytta rutene betre. Merkinga gjev oss meir oversikt over innsamla avfall og slik kan me gje rett gebyr til rett abonnent. Merking med RFID brikke tel tømmingar av kvar avfallsfraksjon frå husstanden (type dunk og storleik). Slik sikrar me kravet til kvalitet på avfallshandteringa og kan oppretthalda gode tenester til abonnentane.
Renovasjonsavgifta blir ikkje endra som fylgje av dette prosjektet.
Det er sommar og hekkar og busker veks i rekordfart. Enkelte stader har hekken vokse ut i vegbanen.
God sikt er ein føresetnad for at du skal få auge på gåande og syklande som krysser avkøyrsla di.
Busk og hekk langs vegar og innkøyrsler gror til og skapar problem for våre renovatørar. Bilar og utstyr vert skrapa opp og øydelagt, men viktigast av alt er sikkerheita. Det er vanskeleg å sjå både køyretøy og mennesker bak store hekkar og busker.
Me set stor pris på om du tar ein ekstra sjekk på din eigedom. På den måten bidreg du til større tryggleik.
Me treng plass for å hente avfallet ditt - både hjå deg og hjå naboen din. Hjelp oss å minske risikoen for ulykker og skadar. Fortsatt god sommar 
Statens Vegvesen: "Eig eller disponerer du ein eigedom
med avkjørsle til veg eller gang- og sykkelveg?
Då har du ansvar for å sørge for fri sikt ved di
avkjørsle. (jf. Veglova §31 og §43)."
Endeleg er det sommar og ein ser fram til ferie! I år vil nok dei aller fleste av oss feriere i Norge. Nordmenn elskar å feriere i Norge, og Norge elskar nordmenn på ferie. Flotte fjordar, fjell, fossefall og brear.
Fleire av oss vil òg bruke meir tid på hytta.
Dei siste åra har mengda avfall frå hyttene eksplodert. Ei av årsakene er nok at mange hytter er i bruk større delar av året.
Med fleksible arbeidstidordningar, moglegheit for tidleg pensjon og fleire generasjonar som nytter hyttene i lag, er det nærast heilsårsbruk på mange hytter.
Kos er for dei fleste synonymt med mat og drikke, og enkelt er for mange ferdigmat med eingongsemballasje. Planlegg når du handlar og et opp maten. Det er truleg det beste du kan gjera for miljøet i sommar.
Større hyttefelt i vår region har sorteringsløysingar. Ein god del punkt for hytterenovasjon har òg ordning for levering av papir, plast og glas- og metallemballasje.
Bygg- og rivingsavfall, asbest, trykkimpregnert materiale, trevirke, metall, møblar, farleg avfall og elektrisk avfall skal leverast til lovleg mottak. Elektrisk og elektronisk avfall kan du òg levere i retur til forhandlar.
God sommar - og hugs kjeldesortering!
Mange tek påskefri frå kjeldesorteringa! Her finn du nyttig info om sortering.
