SERTIFISERING ETTER ISO 9001, ISO 14001 OG ISO 45001
System for Kvalitetsstyring, Miljøstyring og System for arbeidsmiljø
Frå liten til stor
BIR Voss Hardanger har vore gjennom ein fase frå liten og oversiktleg organisasjon til ein organisasjon som i dag tel 32 fast tilsette. Samstundes er det knytt fleire leverandørar til verksemda gjennom kontraktar.
BIR Voss Hardanger handsamar òg store mengder farleg avfall kvart år. Dette set strenge krav til tryggleik med omsyn til arbeidsmiljø og kundar me tek imot. Vidare set det strenge krav til dokumenthandsaming. For ytre miljø har BIR Voss Hardanger m.a. konsesjon frå styresmaktene på drift av BIR Voss Hardanger sitt avfallsmottak. Det er difor naturleg at det vert arbeidd målretta for å få på plass gode styringssystem for kvalitets- og miljøstyring, og for arbeidsmiljøet.
Miljø
Denne standarden set krav til eit miljøstyringssystem som gjer at organisasjonen kan utvikla og setja iverk politikk og mål som tek omsyn til lovbestemte krav og informasjon om vesentlege miljøaspekt.
Arbeidsmiljø
Denne standarden set krav til eit styringssystem for arbeidsmiljø som gjer at organisasjonen kan utvikla og setja iverk politikk og mål som tek omsyn til lovbestemte krav og informasjon om arbeidsmiljørisiko.
